Spaartaans

جميع خدمات الويب لإنتاج مشروع إلكتروني متكامل لأعمالك

بناء موقع إلكتروني وتطبيقات ذكية هي نقلة نوعية حقيقية لأعمالك ومبيعاتك ! 

We’ve Got You Covered

تحسين محركات البحث SEO

الأهم من امتلاك موقع إلكتروني, هو الدفع بالموقع للظهور ضمن المراكز الأولى بمحركات البحث. نحن متخصصون في تحسين محركات البحث وزيادة الزوار وتحويلهم لعملاء

تصميم وبرمجة التطبيقات الذكية

واحد من المجالات اللي نبدع فيها, نشتغل على أكثر من منصة برمجية حسب متطلبات مشروعك . نصمم ونبرمج تطبيقات آيفون وأندرويد

تصميم وبرمجة المواقع الإلكترونية

امتلاك الشركة لموقع إلكتروني لم يعد مجرد اختيار, بل أصبح ضرورة يفرضها الواقع, مهاراتنا الأساسية تتركز على تصميم وبرمجة المواقع الإلكترونية

إعلانات سبونسر

إعلانات سبونسر تشمل انستغرام وجوجل ويوتيوب وشركاء المواقع الإلكترونية وصفحات التواصل الاجتماعي الشريكة, الأمر عبارة عن باكج تسويقي واسع ومتكامل

التصوير الفوتوغرافي التجاري

إدارة حسابات سوشيال ميديا وتنسيقها بالشكل الاحترافي المطلوب يحتاج لمهمة إضافية وهي التصوير الفوتوغرافي للمنتجات وتجميلها تماما كما يفعل متخصصي المكياج والجمال!

إدارة حسابات السوشيال ميديا

المشروع الإلكتروني لأي شركة لايكتمل بدون امتلاك حسابات على أهم منصات السوشيال ميديا, إدارة وتنسيق الحسابات مهمة صعبة وتحتاج لمحترفين تماما كمصممي الديكور الداخلي

مـن أعمـــالـــــنا

مشروع عيادات

تطبيق محامون

ليش تختار سبارتان ؟ 

Z

أسعارنا أغلى من غيرنا !

خذ الأمور من زاوية إيجابية ولو مرة وحدة بحياتك! أسعار غالية يعني وراها شغل عدل واستضافة على سيرفرات ممتازة ومواصفات قوية ومشاكل صفر

Z

مانبيك تشتغل ويانا !

مانبيك تشتغل ويانا قبل ماتقتنع تماماً ان الموقع الإلكتروني والتطبيقات هي نقلة نوعية ذكية في حياة شركتك وأعمالك.

Z

حنا مو شركة !

حنا فريق فريلانسرز .. يعني : مافي روتين, مافي إدارة, مافي قرارات فردية ماعندنا مشاكل إدارية, نشتغل 24/7, ماعندنا دوام رسمي ممل. عشان جذي حنا مبدعين

Z

مانلتزم بالوقت !

خذ الأمور من زاوية إيجابية مرة ثانية بحياتك! لو عطيناك موعد بعد شهر, وخلصنا الشغل خلال 20 يوم, هذا يعني ياحلاة اللي مو ملتزم بالوقت ! صح ؟ 

حقائق علمية !

@

مو لازم تجرب فاشنيستا وتدفع لها 2000 دينار عشان تسوي إعلان !

...... شمعنى ؟

مو لازم تجرب فاشنيستا وتدفع لها 2000 دينار أو اكثر عشان تسوي إعلان وتكون نظرة الناس لك إن معاك فلوس وقادر تسوي إعلانات فاشنستية ! لأن بالغالب عندك فرصة ضائعة تسويلك سمعة ومبيعات أفضل.  حط نفس المبلغ بالسبونسر وقارن بنفسك .

انستغرام سبونسر يعني ظهور الاعلان لك وانت تتصفح صور اللي متابعهم, بدون ماتكون متابع الحساب صاحب اعلان السبونسر. يعني اجباري تشوفه !

جوجل فيه عدة انواع اعلانات, لما تدش جوجل وتبحث عن شي في اعلان نصي يطلعلك واحيانا يكون مع سماعة اتصال, ومكتوب جنبه ” إعلان “

وفيه الإعلانات المصورة اللي نخليها تطلع بمواقع إلكترونية مشتركة مع جوجل عشان يحطون إعلانات بمواقعهم, مثل : موقع جريدة الشاهد وموقع مورسيل

وعندنا إعلانات يوتيوب, اللي تطلع أول ماتفتح معظم فيديوهات يوتيوب, وتعطيك 5 ثواني عشان تتخطى الإعلانات الغثيثة منها . 

كل انواع الإعلانات راح نشرحها بالتفصيل من خلال معلومات وفيديوات بننشرها على انستغرام وقناة اليوتيوب الخاصة فينا .

@

هدفك زوار للموقع والا عملاء ؟

...... شنو هذا بعد ؟

الموضوع مو موضوع كم عدد زيارات موقع الشركة, الموضوع موضوع كم المبيعات الناتجة من الموقع. 

لاتكون مثل أغلب الشركات, لازم كل شهر يكون عدد الزوار أكثر من الشهر اللي قبله, ترى الموضوع ما ينحسب بهالطريقة, لأن المهم هو زيادة عدد العملاء او المبيعات عن الشهر اللي قبل.

نوع الموقع الإلكتروني بعد يفرق, لو كان موقعك موقع محتوى بهالحالة يهمك عدد الزيارات, لكن لو موقعك موقع شركة وتجارة, فالمبيعات وبس.

 

@

مو كل من قال اصمملك موقع الكتروني تمشي وراه !

...... ليش ؟

 الموضوع وراه تفاصيل كبيرة. يبيلك ناس تفهم بمتطلبات محركات البحث, ويصممولك صح من ناحية لغة التصميم والألوان والتناسق, وبعد يبيلك ناس تعرف شنو اللغة البرمجية أو السكربت الواجب استخدامه في مثل نوعية موقعك, وبعد يبيلك ناس تعرف تشتغل على لغات البرمجة القوية والأطر البرمجية المشهورة. ومحتاج ناس تفهم بالحماية المطلوبة لحماية موقعك, وهم محتاج ناس تفهم بالسيو, وناس تفهم ببرمجة API صح, وناس تفهم بتضبيط لوحات التحكم, وناس تفهم بتصميم التطبيقات, وناس تفهم ببرمجة التطبيقات وشنو لغة البرمجة المفروض يستخدم !

الموضوع مو بسيط, لازم تعرف نوعية الاستضافة ومدى قوتها ! ولازم تعرف كم مساحة استضافتك وكم الرامات واذا عندك لوحة استضافة او لا!  ولازم تعرف اذا عندك نسخ احتياطي وأقراص SSD! ولازم تعرف الدعم الفني والمبلغ المعروض لمدة كم ؟ ولازم تعرف : يامسترخص اللحم … عند المرق تندم !

حنا نقدر نصمملك موقع كامل متكامل مع استضافته لمدة سنة كاملة بـ 1500 دينار . ونقدر نصمملك نفس الموقع مع استضافته ولمدة سنة بـ 50 دينار . وبالحالتين حنا كسبانين ! شرايك ؟

@

مكانك وين على جوجل ؟

...... شقصدك ؟

جوجل .. الشغل الشاغل لنا كمبرمجين ومسوقين إلكترونيين. لا تنصدم, بسبب جوجل تم إغلاق وتدمير مستقبل  كثير مواقع عربية وغير عربية,  لأنهم ماقدرو يواجهون جوجل .

جوجل يحب الشغل النظيف ويحب اللي يفهمون على مخه ! جوجل يبي منك تركز بالجودة .. الجودة وبس ! 

اللعب والحركات ماتفيد حتى اللي يشرب بايسون ! تبي بزنس ناجح أونلاين مالك الا ترافج جوجل ! 

حنا وجوجل فاهمين بعض, عطنا فرصة نفيدك ! 

Let’s Get Started

إذا كنت جاهز تنقل أعمالك لمستوى أفضل, حنا بعد جاهزين نساعدك ونضبطلك شغلك !

الكويت 50287700